іс-шара

М.Мәметова  атындағы № 13 жалпы орта білім беретін мектебінде  1 қыркүйек -  Білім күніне орай  «Мектебім - мейірім мекені» атты  салтанатты жиын  өтті.  Жиынға аудандық білім беру бөлімінің  әдіскері  Сақыбай Айбек Қайратұлы, аудандық орталық кітапхана директоры Сүйімқұлова Жанат Батырбекқызы, ауылдық округінің бас маманы Кәрібаев Динмухамед Есиркепұлы,  қамқоршылық кеңесі мүшесі Өмірханова Айнагүл Шөпшекбайқызы және ардагер ұстаздар қатысты.

Алғашқы құттықтау сөз мектеп директоры Мамырбаев Бауыржан Қырықбайұлына  берілді. Ол өз  сөзінде былтырғы оқу жылының жетістіктерін , сондай -ақ ауданда өткен тамыз конференциясында мектебімізге табыс етілген 150 000  теңгелік ( жүз елу мың) “Үздік ауыл мектебі”  сертификаты мен  бірқатар ұстаздардың марапатын атап өтті. Биылғы оқу жылына шығармашылық табыс тілеп, салтанатты жиынға қатысушыларды мерекемен құттықтады. 

 Жаңа 2024-2025 оқу жылында 12 оқушы мектеп табалдырығын аттады.  

Қонақтар бүлдіршіндерге жылы лебіздерін білдіріп, жаңа оқу жылына толағай табыстар тіледі. 

 Алғашқы қоңырау соғылып, салтанатты жиын өз мәресіне жетті.