ақапарат

 Ағымдағы жылдың 10 қазаны күні М. Мәметова атындағы №13 жалпы орта білім беретін мектебінде 

Қазақ ССР-нің ауыл шаруашылығына еңбек сіңірген қызметкері, Меркі ауданының Құрметті азаматы, Соғыс және еңбек ардагері Қайсарбай Ыдырысұлы атындағы тарих кабинетінің ашылу іс-шарасы өтті. 

Салтанатты жиынға аудандық білім бөлімінің әдіскері Д.Көшербаев, ауыл әкімі Д. Суанбеков Қайсарбай атамыздың жан-жары, ұл-қыздары, ауылдық ақсақалдар алқасының мүшелері, ардагер ұстаздар, қамқоршылық кеңес төрайымы және Тәтті ауылына қарасты елді-мекен өкілдері мен мекеме басшылары қатысты. 

Қонақтар мектеп оқушыларының дайындаған шағын концертін тамашалап, кейін кабинеттің салтанатты ашылу рәсіміне қатысты. 

Қайсарбай Ыдырысұлының қызы Қожа Ахмет Яссауи Атындағы Халықаралық Қазақ – Түрік Университетінің вице-ректоры, эконмика ғылымдарының кандидаты, профессор доцент

Ыдырысова Эльмира Қайсарбайқызының бастамасымен атамыздың ұл-қыздарының демеушілігімен мектеп қабырғасында Қайсарбай Ыдырысұлына арналған тарих кабинеті толық заманауи тұрғыда  жабдықталып, кабинеттің  қызыл лентасын жергілікті ақын атамыз Ә.Қоңқабаева пен Б. Ыдырысов қиды. Аталарымыз ақ батасын беріп,апаларымыз шашу шашты.

 Тарих кабинеті заманауи жаңа парталармен,  LED экран, маркелі тақта,  мұғалім үстелі және орындығымен толығып, карта жинайтын  арнайы шкаф, қабырғасына үлкен дүние жүзілік карта  орнатылды.

 Іс-шара қорытындыланып, әдіскер Д. Көшербаев  Қ.Ыдырысов әулетіне  білім бөлімінің басшысы А. Алтынбаеваның арнайы  Алғыс хатын табыс етті.

Мектеп директоры Б. Мамырбаев өз кезегінде атамыздың ұрпақтарының бұл  игі ісі, білім ордасына деген ықылас-пейілдері – бүгінгі өскелең ұрпаққа үлгі болары сөзсіз екенін атап өтті. 

  Бұл сыйлық – тек материалдық емес, рухани мәні терең тарту. Сондықтан осындай тартулары үшін  Қ. Ыдырысовтың ұл-қыздарына мектеп ұжымы атынан шынайы АЛҒЫСЫН білдірді