ақпарат

Ағымдағы жылдың 28 қараша күні М.Мәметова атындағы №13 жалпы орта білім беретін мектебінің 4 “А”, “Б” сыныптарында «Заң мен тәртіп аясында зорлық-зомбылықсыз балалық шақ» тақырыбында тәрбие сағаты өткізілді. Іс-шараның негізгі мақсаты – оқушыларға құқықтық мәдениет негіздерін түсіндіру, заң талаптарын құрметтеу, өз құқығын қорғау және өзгенің құқығын сыйлау дағдыларын қалыптастыру. Сондай-ақ балаларға қатысты зорлық-зомбылықтың кез келген түріне жол берілмейтінін ұғындыру, қауіпсіз орта қалыптастыруға жауапкершілікке тәрбиелеу көзделді.

Сабақ барысында оқушыларға Қазақстан Республикасының бала құқықтары туралы заңнамаларынан мәліметтер беріліп, қауіпсіздік ережелері талқыланды. Балалардың өмірі мен денсаулығын қорғау, тұрмыстық және мектеп ортасында кездесетін қауіпті жағдайлардың алдын алу жолдары түсіндірілді. Топтық тапсырмалар, сұрақ-жауап, жағдаяттық талдаулар арқылы оқушылардың құқықтық ойлау қабілеттері мен өзін қорғау дағдылары дамытылды.

Іс-шара оқушылардың құқықтық сауаттылығын арттыруға, құрдастарымен және ересектермен сыйластық қарым-қатынас орнатуға, зорлық-зомбылықсыз орта қалыптастырудың маңызын түсінуге ықпал етті.

Сынып жетекшілер: Танабаева Т., Таутай Г.