“Буллингтен қорған”

Ағымдағы жылдың 17 қараша күні М.Мәметова атындағы №13 жалпы орта білім беретін мектебінің 4 “А” , “Б”  сыныптарында  “Буллингтен қорған” тақырыбында тәрбие сабағы өткізілді. Сабақтың мақсаты – оқушыларға буллингтің не екенін түсіндіру, оның түрлерін ажыратуға үйрету, бір-біріне құрметпен қарау мәдениетін қалыптастыру және қиын жағдайда өздерін дұрыс қорғай білуге бағыт беру.

Сабақ барысында балаларға буллингтің сөзбен, қимылмен, әрекетпен жасалуы мүмкін екені түсіндірілді. Әр оқиғада мұғалімге, ата-анаға немесе сенімді досқа айту маңызды екені айтылды. Оқушылар «жақсы сөз – жанға қуат» екенін мысалдар арқылы талқылап, құрдастарымен достық қарым-қатынас орнатудың жолдарын үйренді.

Сабақ соңында оқушылар өз ойларымен бөлісіп, бір-біріне қолдау көрсету, ешкімді мазақтамау және қажет жағдайда көмек сұраудың маңыздылығын бекітті. Тәрбие сағаты оқушылардың өз қауіпсіздігіне деген жауапкершілігін арттырып, мектептегі жылы, мейірімді орта қалыптастыруға ықпал етті. 

Сынып жетекшілері:Танабаева Т, Таутай Г