ақпарат

Ағымдағы жылдың 10 қараша күні М.Мәметова атындағы №13 жалпы орта білім беретін мектебінде “15 қараша – Төл теңге күні” тақырыбында тәрбие сабағы өтті.

Мақсаты: Оқушыларға Қазақстан Республикасының ұлттық валютасы – теңгенің тарихы мен маңызын түсіндіру, отандық экономиканың басты нышандарының бірі ретінде ұлттық валютаға құрмет сезімін қалыптастыру.

Сабақ барысы:

Тәрбие сағаты Қазақстанның ұлттық валютасының тарихы туралы бейнематериал көрсетуден басталды. Оқушылар теңгенің шығу тарихымен, алғашқы банкноттар мен монеталардың түрлерімен танысты. «Теңге – тәуелсіздіктің нышаны» тақырыбында пікірталас ұйымдастырылып, оқушылар өз ойларын ортаға салды. Сонымен қатар, «Бір теңгенің тарихы» атты шағын көрме өткізіліп, оқушылар әртүрлі жылдары шыққан теңгелерді таныстырды.

Қорытынды:

Оқушылар ұлттық валюта туралы жаңа мәліметтер алып, теңгенің ел тәуелсіздігі мен экономикалық тұрақтылықтағы маңызын түсінді. Сабақ өз мақсатына жетті.

Сынып жетекшісі :Таутай Г