ақпарат

Ағымдағы жылдың 18 маусым күні М.Мәметовп атындағы №13 жалпы орта білім беретін мектебінің “Балауса” сауықтыру лагерінде
Бүгінгі күнгі  бағдарламасы балалардың танымдық қабілеттерін дамытуға, табиғатты сүюге, техникаға қызығушылығын арттыруға бағытталды.
Табиғатқа саяхат – Балалар таза ауада серуендеп, табиғаттың сұлулығын тамашалап, өсімдіктер мен жануарлар әлемі туралы қызықты мәліметтермен танысты. Бұл іс-шара экологиялық тәрбие беруге септігін тигізді. Күшік роботын құрастыру – Робототехника сабағында оқушылар күшік бейнесіндегі роботты өз қолдарымен құрастырды. Бұл балалардың логикалық ойлауын және шығармашылық қабілетін дамытты.
«Кітап – білім бұлағы» кітапханалық сабақ – Кітапханашы балаларға кітаптың маңызын түсіндіріп, танымдық ойындар ұйымдастырды. Балалар сүйікті кітаптары жайлы айтып, оқуға деген қызығушылықтарын арттырды.
 «Қиял жалғасы: егер осылай болса...» тренингі – Психологиялық тренинг барысында балаларға әртүрлі жағдайлар ұсынылып, олар өз қиялдарын қолданып, оқиғалардың жалғасын ойлап тапты. Бұл балалардың шығармашылығы мен сыни ойлауын дамытуға бағытталған.
Тәрбиеші: Ф .Қараталова