ақпарат

«Білімім - Отаныма» тақырыбында бірыңғай сынып сағаты. 

 2025 жылдың 23 мамыр күні 2024-2025 оқу жылының аяқталуына орай “ Біртұтас тәрбие бағдарламасы” негізінде 1-11 сынып аралығында  бірыңғай “БІЛІМІМ - ОТАНЫМА” тақырыбында сынып сағаты  өткізілді. Мақсаты: Қазақстан Республикасының әлеуметтік, экономикалық және саяси өміріне белсенді қатысуға дайын құзыретті тұлғаның қалыптасуына ықпал ету.

 Тәрбие сағаты барысында «Қазақстан – кеше, бүгін, ертең» деп, еліміздің тарихын қозғай отырып, оқушылар білімнің адам өміріндегі маңызды құндылық екендігін, Отанымыздың жарқын болашағының кепілі екендігіне тағы бір көз жеткізді. Сабақ барысында оқушылар  «Елімнің болашағы менің қолымда», «Елімнің келешегі – менмін», «Білімім – Отаныма» тақырыбында өз ойларын ортаға салды.

”Адал азамат” біртұтас тәрбие бағдарламасы шеңберінде ұйымдастырылған эссе байқауы қорытындысы шығарылып “Ең үздік” шығармалар марапатталды. Сонымен қатар жыл ішінде сынып ішінде қоғамдық жұмыстарға белсене қатысқан оқушылар марапатталды. 

Білімді ұрпақ елдің экономикалық тұрғыдан дамуына, мәдениеті мен ғылымының өркендеуіне  үлес қосады. Осы тұрғыда біз өз шәкірттеріміздің еліміздің асқақ арманының жүзеге асуына кепіл бола алатынына сенеміз.