“Наурыз-Көктем тойы” атты тәрбие сағаты болды.

М.Мәметова атындағы #13ЖОББ мектебінің 4”А” сыныбында “Наурыз-Көктем тойы” атты тәрбие сағаты болды.

Тәрбие сағаты барысында Наурызға арналған тақпақтар айтылып, ән шырқалып, би биленді.

Мақал-мәтелден жарыс болып, жеңімпаздар анықталды.

Наурыз мерекесін тойлаудың тарихы айтылды.

Наурыз айындағы ауа райына байланысты - “Қыдыр қамшысы”, “Құралайдың желі”, “Құс қанаты” ұғымдары туралы  айтылды. Үлкен әжелердің, аналардың наурызда  Күнге сәлем беретіні туралы айтылды.

Қырықбай Алий домбырамен күй тартты.

“Қаражорға” биін билеген оқушылар қонақтардың көңілін көтерді. Жігер, Айбар, Алий Наурыз-батасын айтты.

Наурыздың басты тағамы-Наурыз көжеден қонақтар дәм татты.

Есіркепов Дәурен ағайдың батасы өте мәнді, мағыналы болып, ата-аналар, оқушылар, ұстаздар риза болды.

Тәрбие сағатының мақсаты: наурыз мерекесінің ерекшелігін таныту;

Салт-дәстүрді қадірлеу;

Өнерлі, білімді, ақылды болуға тәрбиелеу.

Тәрбие сағаты барысында осы мақсаттар орындалды. Ұлыс оң болсын, ақ мол болсын!  Мектеп директорының м. у.а: Ө.Дәлібаев наурыз мерекесіне арнап жақсы тілегін білдірді.

Сынып жетекшісі: Ембердиева А. К.