“Сөздің ұлы күші” тақырыбында тәрбие сағаты өткізілді.

Білім беру ұйымдарындағы “ДосболLIKE” балаларды қорлаудың (буллингтің) алдын алу бағдарламасын  іске асыруда М. Мәметова атындағы #13ЖОББ мектебінің 4”А” сынып оқушыларымен “Сөз-қарым-қатынас негізі” және “Сөздің ұлы күші” тақырыбында тәрбие сағаты өткізілді.

“Сөз-адамның айнасы” дегендей күнделікті өмірдегі сөздің алар орны,  сөз әсерінің маңыздылығы, жақсы сөздер айту туралы әңгіме жүргізілді. 

“Не істеуге болмайды?” ойынынан білім алушылары біраз әдеп істері туралы білім алды, ой түйді. “Комплимент” ойыны барысында өзара жақсы сөздерімен комплимент айтып, өздерінің айтылмай жүрген қырларына да көңіл бөлді.  “Қалпақтар” ойыны бойынша әр қалпақ киген оқушылар аңыз, мақал-мәтелдер, мультфильмдер туралы, кейіпкерлері туралы білімдерін ортаға салды.

Тәрбие сағаты барысында білім алушылар “Жақсы сөз-жарым ырыс” деген сөзді халқымыз тегін айтпағанын түсінді. “Адамды сөзіне қарап таны” деп Абай атамыздың айтқан сөзінің мәнін түсінді.

 Жақсы адамның сөзі жібектей, 

Жаман адамның сөзі білектей болатынын өздері мысалдарымен қорытып, айтып, ойларын ортаға салды.

Сынып жетекшісі: Ембердиева А. К.