іс-шара

«МЕКТЕП ПАРЛАМЕНТ САЙЛАУЫ-2024»

М. Мәметова атындағы №13 жалпы орта білім беретін мектебінде оқушылар арасында «Өзін-өзі басқару» ұйымдарын дамыту тұжырымдамасы бойынша «Мектеп Парламенті» сайлауы өткізілді.

Оған мектебіміздің үздік оқитын, қоғамдық жұмыстарға белсене қатысатын 8-10 сынып оқушылары арасынан 3 үміткер қатысты.

Мектеп Парламенттігіне үміткер болып тіркелген оқушылар, әрқайсысы өздерінің сайлауалды бағдарламаларын ұсынып, өз ойларын ортаға салды.

Сайлау әділдікпен өтті және қорытындысы бойынша Мектеп президенті болып 10 «А» сынып оқушысы Бақытқызы Жұлдыз сайланды. Сонымен бірге өзін-өзі басқару ұйымының құрамы құрылып, іс-шаралар жоспары бекітілді.

Мектепішілік сайлау нәтижесімен мектеп мұғалімдері мен оқушылары таңдаған «Өзін-өзі басқару» ұйымының жаңа Президентін және фракция көшбасшыларын мектеп ұжымы құттықтап, алдағы жұмыстарына сәттілік тіледі.