Ата-аналар назарына

АТА-АНАЛАР НАЗАРЫНА!!!

 Мектеп формасына қойылатын талаптар туралы ақпараттық таныстырылым:

 2025-2026 оқу жылында оқушыларға міндетті мектеп формасы Қазақстан Республикасы Білім және ғылым министрінің (2016 жылғы 14 қаңтардағы №26), (07.08.2023 ж. №250 бұйрығына сәйкес толықтырулар мен өзгерістер енгізілген) бұйрығымен бекітілгендей, білім алушылардың жас ерекшелігіне сәйкес енгізілетінін хабарлаймыз!

 Ұлдардың мектеп формасы:

- пиджак, жилет, шалбар, мерекелік жейде, күнделікті жейде, не түймелері бар немесе сыдырмалы тоқылған күрте/кардиган, поло жейде немесе тенниска (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады.

   Қыздардың мектеп формасы:

- пиджак, жилет, юбка (КӨК немесе ҚАРА түсті), шалбар, классикалық жейде, не түймелері бар немесе сыдырмалы тоқылған күрте/кардиган, поло жейде немесе тенниска (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады.

 Қазақстан Республикасының «Білім туралы» Заңының                47-бабының 15-1 тармағында «Орта білім беру ұйымдарында БІЛІМ АЛУШЫЛАР білім беру саласындағы уәкілетті орган белгілеген, міндетті мектеп формасына қойылатын талаптарды сақтауға міндетті. 

 Осы заңның 49-бап 6 тармағында АТА-АНАЛАР МЕН ОЛАРДЫҢ ЗАҢДЫ ӨКІЛДЕРІ «білім беру саласындағы уәкілетті орган белгілеген, МІНДЕТТІ МЕКТЕП ФОРМАСЫНА ҚОЙЫЛАТЫН ТАЛАПТАРДЫ ОРЫНДАУҒА ТИІС» екені бекітілген.

 Мектеп формасына түрлі діни конфессияларға қатысты киім элементтерін қосуға болмайды, кез келген діни атрибуткаларды (орамал, хиджап, паранжа, кимешек, никаб, т.б.) киюге тыйым салынатынын ескертеміз!

 Оқушының мектеп формасына қойылатын талаптары бойынша жарақаттайтын фурнитурасы бар киім мен акцессуарлар киюге тыйым салынады.