Ата-аналар назарына

М.Мәметова атындағы №13 жалпы орта білі беретін мектебінде балалар мен жасөспірімдердің қауіпсіздігін қамтамасыз ету, тәрбиелік мәні жоғары, мазмұнды әрі қауіпсіз іс-шараларды ұйымдастыру мақсатында 4, 9, 11 сынып түлектеріне арналған 2024-2025 оқу жылындағы соңғы қоңырау, қорытынды аттестаттау және өзге де мерекелер мен мектепішілік іс-шараларға байланысты мына жағдайларды ескертеді!

ЕРЕЖЕ:

Сыйлықсыз немесе ақшасыз алғыс айтуға тек ризашылық сөздермен және алғыс хаттармен шектелуі тиіс.

Іс-шара кезінде мектеп аумағында рұқсатсыз шығуға қатаң тыйым салынады.

Сынып жетекшілер әр баланың қатысуын тізім бойынша бақылап, ата-аналармен байланыста болуы қажет.

Ұялы телефондарды мақсатсыз қолдану, әсіресе видео түсіру немесе әлеуметтік желіге жүктеу, шектеулі болады.

Сыйластық пен тәртіпке сай емес әрекеттер (дауыс көтеру, рұқсатсыз сөйлеу, өз бетінше шешім қабылдау) – жол берілмейді.

Ата-аналар тарапынан ұйымдастырылатын кез келген әрекет (фото/видео, киім, декор, т.б) алдымен мектеп әкімшілігімен келісуі тиіс.

ҚАТАҢ ТЫЙЫМ САЛЫНАДЫ:

4, 9,11 сынып оқушыларынан мектеп әкімшіліктеріне орай ақша жинауға;

Аниматорлар, әртістер, агенттіктер мен студияларды шақыруға;

Білім беру ұйымдары мен мектеп әкімшілігіне сыйлық беруге;

Білім беру ұйымдарының жөндеу немесе тазалық жұмыстарына қаражат жинауға;

Отшашу, фейерверк, автокөлік шеруі сияқты қауіп тудыратын әрекеттерді ұйымдастыруға;

Сынып ішінде дастарқан жаю немесе ата-аналардан қосымша ақша талап етуге;

Бұл шектеулер сыбайлас жемқорлықтың алдын алу, педагогикалық этика мен әділдікті сақтау мақсатында енгізілген.