15 НАУРЫЗ -«ҚАЙЫРЫМДЫЛЫҚ » КҮНІ

15 НАУРЫЗ -«ҚАЙЫРЫМДЫЛЫҚ » КҮНІ 

 «Біртұтас тәрбие» бағдарламасы аясында 14-23 наурыз күндері «Наурызнама» онкүндігі жоспары негізінде  , 15 наурыз «Қайырымдылық» күніне орай мектеп ұжымының және әлеуметтік педагог А.Жумаеваның ұйымдастыруымен  көп балалы отбасы санатындағы білім алушыларға мектепке қажетті құрал-жабдықтар алынып, табысталды. 

Бұл күн еліміздің халқын мейірімділік пен тату бірлікке шақырады. Мұқтаж жандарға қол ұшын созу, кімге болсын құшағын жайып, қонақжайлық көрсету – қазақтың қанында бар қасиет. Наурызды мерекелеу кезінде бұл қасиеттерді барынша кеңінен насихаттау, өзара көмек, жанашырлық пен қамқорлық кез келген қиындықты жеңіп, мақсат-мұратқа жетудің тетігі болған. Іс-шараға өз үлесін қосқан барша жандарға алғысымызды білдіреміз. Қайырымдылық акциясы алдағы уақытта өз жалғасын табады.