“Біртұтас тәрбие” бағдарламасын “Адал азамат” деп атауды ұсынып отыр.

Бурабай баурайында Президент Қасым-Жомарт Тоқаевтың қатысуымен Ұлттық құрылтайдың төртінші отырысы өтті. Ұлттық құрылтайға қатысушылар ел дамуының бағыт-бағдарын айқындайтын өзекті мәселелерді талқыға салды. Сондай-ақ білім саласы, біліммен қатар тәрбиеге айрықша назар аудару  маңыздылығы айтылды. 

Құрылтай мүшелері “Біртұтас тәрбие” бағдарламасын “Адал азамат” деп атауды ұсынып отыр. Бағдарлама рухани-адамгершілік, азаматтық, жауапкершілік пен отаншылдық, әділеттілік пен адалдық қасиеттерін дамыту арқылы үйлесімді дамыған тұлға қалыптастыруға бағытталған. 

Біз бұл бастаманы толық қолдаймыз, өйткені ол еліміздің жарқын болашағын қалыптастыруға бағытталған әділетті қоғам құрудың нақты қадамы.