Ата-аналар жиналысы

“БАЛА ҚАУІПСІЗДІГІ -ҚОҒАМ КЕЛЕШЕГІ” тақырыбында ата-аналар форумы өтті.

Ағымдағы  жылдың 22 қараша күні М.Мәметова атындағы №13  жалпы орта білім беретін мектебінде жасөспірімдер арасында құқық бұзушылық пен қылмыстың алдын алу, бала өмірінің  қауіпсіздігін қамтамасыз ету мақсатында 1-11 сынып ата-аналарымен “Кел, дос болайық!” акциясы аясында “Бала қауіпсіздігі- қоғам келешегі” тақырыбында форум өтті. Форумға  87 ата-ана қатысты. 

Мақсаты:  “Біртұтас тәрбие бағдарламасы аясында” жалпы адамзаттық және ұлттық құндылықтарды бойына сіңірген еңбекқор, адал, саналы, жасампаз азаматты тәрбиелеу. Ұрпақ тәрбиесіндегі ата- аналар жауапкершілігінің маңызына назар аудару, тәрбие процесіндегі ұрпақтар сабақтастығы мен ұлттық құндылықтардың рөлін арттыру.

Алдымен мектебіміздің өзін-өзі басқару ұйымы мүшелері ата-аналармен шағын сұхбат жүргізді. 

”Үйірмеден үйренеріміз көп” тақырыбында көрме жасалып, концерттік бағдарлама ұйымдастырылды.

Форум барысында мектеп психологы:Ш.Бекбергенова “Сіз қандай ата- анасыз”  тақырыбында тренинг өткізді.

 “Бала қауіпсіздігі – басты назарда” тақырыбында іс-шаралар қорытындысы туралы мектеп директоры Б.Мамырбаев баяндама жасады. 

Меркі АПБ-нің ЖПҚБ ЮПТ УПИ полиция капитаны Оспанбеков Ерболат Ашимбекұлы “Бала құқығы” тақырыбында баяндама оқып, бейнеролик көрсетіп, түсіндірме жұмысын жүргізді.

Форум соңында жиналыс хаттамасына сәйкес  оқушыларға сабақ уақытында ұялы телефон ұстамауға арналған келісім парағы дайындалып, ата-анасымен құпталды.